Të paktën 15 persona janë vrarë dhe më shumë se 30 janë plagosur në një sulm të militantëve i cili ende vazhdon në provincën lindore Nangarhar të Afganistanit, konfirmoi një zyrtar, transmeton Anadolu Agency (AA).
Militantët shpërthyen një makinë të mbushur me eksploziv pranë një kompleksi administrativ në rrethin Shinwari rreth orës 12:30, sipas Attaullah Khogyani, zëdhënësi i guvernatorit të provincës.
Forcat e sigurisë dhe sulmuesit janë përfshirë në një përplasje me armë në disa orët e fundit, shtoi ai.
Nuk kishte asnjë pretendim të menjëhershëm të përgjegjësisë për sulmin që ndodhi në një rreth që e ka humbur qetësinë nga një kryengritje pro-DEASH-it.
Sulmi ka ndodhur në një kohë ndërsa bisedimet e paqes midis qeverisë afgane dhe talibanëve vazhdojnë në kryeqytetin e Katarit Doha.
Dhjetëra njerëz janë vrarë dhe plagosur ndërsa dhuna ka shpërthyer në gjithë Afganistanin që nga fillimi i bisedimeve historike brenda-afgane muajin e kaluar.
