Kryetari i Komunës së Prishtinës, Shpend Ahmeti, ka mirëpritur lajmin që pas 9 viteve Qeveria e procedon në Kuvend Ligjin për Prishtinën.
Ahmeti përmes Facebook-ut ka njoftuar edhe katër pikat kryesore të Ligjit për Prishtinën.
Më poshtë mund të lexoni postimin e Ahmetit:
“Më në fund pas 9 viteve, qeveria e procedon në Kuvend Ligjin për Prishtinën. Do të punojmë me deputetët dhe me qeverinë që rezultati përfundimtar i Ligjit të jetë sa më i mirë për kryeqytetin tonë. Kujtojmë se tash Ligji duhet të kalojë në dy shqyrtime në Kuvend për të hyrë në fuqi dhe në vete ka katër pika si më kryesore: 1. Buxhetin shtesë ne vlerën prej 4 perqind të grantit të përgjithshëm për komunat 2. Të drejtën e themelimit të ndërmarrjeve publike komunale pa aprovime shtesë nga qeveria 3. Shëndetësinë sekondare apo Spitalin e Qytetit dhe 4. Drejtorinë e Policisë Komunale brenda Policisë se Kosovës që do te merret me Prishtinën”, ka shkruar Ahmeti nw profilin e tij.
