Rreth 20 mijë derra janë asgjësuar në ditët e fundit, në një rajon verilindor të Bosnjës, derisa autoritetet lokale atje po përpiqen ta frenojnë përhapjen e një gripi shumë ngjitës të derrave, raporton agjencia AP.
Kryetari i komunës së Bijeljinas, Ljubisha Petroviq, i cili ka koordinuar veprimet për t’u marrë me krizën, ka bërë të ditur se kanë mobilizuar inspektorët veterinarë, mbrojtjen civile dhe anëtarët e grupeve të të rinjve për të ndihmuar në asgjësimin e kafshëve të infektuara.
Sëmundja e shkaktuar nga gripi afrikan i derrave nuk është e rrezikshme për njerëzit, por është fatale për derrat. Semberija është zona kryesore e Bosnjës për agrikulturë dhe përhapja e gripit ka të ngjarë të ndikojë rëndë në jetesën e fermerëve të saj. /koha
