Kryeministri austriak Karl Nehammer njoftoi se do të ofrojë mbështetje prej 1.000 eurosh për sirianët që duan të kthehen në vendin e tyre, raporton Anadolu.
Nehammer në një postim në llogarinë e tij në X tha se proceset në lidhje me kërkesat për azil nga sirianët janë pezulluar.
Nehamer, i cili tha se nevojiten qytetarë për rindërtimin e Sirisë, bëri të ditur se do të ofrohen 1.000 euro ndihmë financiare për sirianët që kthehen në vendin e tyre.
Ministri i Brendshëm Gerhard Karner deklaroi gjithashtu se procedurat burokratike të sirianëve që duan të kthehen do të përshpejtohen dhe do t’i jepet përparësi përgatitjes së dokumenteve të nevojshme.
