Agjencia Evropiane për Sigurinë e Trafikut Ajror (EASA) lëshoi një direktivë për aterrimin e të gjitha modeleve të avionit Boeing 737 MAX tetë dhe nëntë, pas dy aksidenteve vdekjeprurëse.
Ndalimi i fluturimeve të këtyre modeleve lidhet me të gjithë hapësirën ajrore të Bashkimit Evropian.
Në Etiopi, Boeing 737 Max 8 i kompanisë ajrore ‘Airlines Ethiopian’ u rrëzua të dielën, pak pasi u nis nga Adis Abeba për Nairobi. Të 157 pasagjerët dhe anëtarët e ekuipazhit humbën jetën.
Pesë muaj më parë, disa minuta pas nisjes, u rrëzua modeli i njëjtë i avionit të kompanisë indoneziane ‘Layon Air’, duke lënë 189 të vdekur.
EASA tha në direktivën emergjente se në fazën fillestare të hetimit më të ri, se nuk përjashtohet mundësia që “shkaqet e ngjashme ndoshta kanë kontribuar” në rënien e dy avionëve.
Agjencia shtoi se kompanitë mund të kryejnë një fluturim jo komercial të këtyre modeleve për të kthyer avionin në një vend ku mund të verifikohen.
Para njoftimit të direktivës së EASA-s, Britania, Gjermania dhe Franca mbyllën hapësirën ajrore të tyre për modelin Boeing 737 MAX.
