Në një kohë kur telefonat, laptopët dhe tabletët përdorin të gjithë të njëjtin kabllo karikimi USB-C, ishte vetëm çështje kohe përpara se biçikletat elektrike të ndiqnin shembullin.
Kompania estoneze Ampler është e para që prodhon biçikleta elektrike që mund të karikohen me një kabllo të rregullt USB-C.
Modelet Nova dhe Nova Pro karikohen duke e futur kabllon në kornizë, dhe e njëjta portë mund të karikojë edhe telefonin tuaj kur nevojitet.
Të dy modelet përdorin një bateri të fshehur 48 V, 336 Wh, e cila ngarkohet plotësisht në rreth tre orë nëse përdorni një karikues më të fuqishëm USB-C PD 3.1 (të themi, atë për MacBook Pro).
Nëse keni edhe një karikues më të vjetër, biçikleta do të karikojë përsëri, por më ngadalë.
Përveç gjithë kësaj, Ampler ka edhe karikuesin e vet të shpejtë (140 W). Modeli Nova (2990 euro) vjen me 9 shpejtësi, një zinxhir standard dhe goma më të gjera, gjë që është më e mirë për ata që pëlqejnë pak më shumë kontroll.
Nova Pro (3,490 euro) ka një rrip karboni dhe një sistem lëvizjeje me një shpejtësi, i cili është i përsosur për zona më të sheshta.
Të dyja biçikletat përdorin një motor 250 W, me një shpejtësi maksimale prej 25 km/h, që është standardi i BE-së.
Ato janë të disponueshme në madhësi të ndryshme dhe variante të kornizave (klasike dhe ” step-through”).
Nova dhe Nova Pro janë tashmë në para-shitje në BE, Mbretërinë e Bashkuar dhe Zvicër, me dërgesat e para duke filluar në qershor.
