Lidhur me ardhjet masive të migrantëve në Lampedusa, ne duhet të tregojmë të gjithë solidaritetin tonë me Italinë në një moment të vështirë, tha sot përfaqësuesi i lartë i BE-së, Josep Borrell në një intervistë për “France 24”.
“Bashkimi Europian do të jetë në krah të Italisë”, theksoi Borrell.
Përfaqësuesi i Lartë i BE-së, Josep Borrell konfirmoi nevojën për kontroll kufitar, me politika që shkojnë përtej masave të sigurisë, dhe marrëveshje me vendet e origjinës dhe tranzitit që lejojnë migracionin e rregullt dhe gjithashtu garantojnë dëbimin e migrantëve të paligjshëm të cilët rrezikojnë jetën e tyre.
