Çfarë mishi hanë kosovarët?

Më shumë se 45 milionë kilogramë të llojeve të ndryshme të mishit të gjedhit, pulës dhe derrit futen në Kosovë çdo vit, pasi prodhimi i mishit në Kosovë nuk e përmbush as gjysmën e nevojave të tregut. Sasia më e madhe e mishit që hyn në Kosovë është nga Brazili, prej nga importohen gjithsej 18 milionë kilogramë mish. Pavarësisht kontrolleve që i bëhen mishit vendor si dhe të importuar, vetëm këtë vit janë asgjësuar më shumë se 120 tonë mish i prishur dhe produkte me origjinë shtazore.