Deputeti izraelit sulmon gruan palestineze që po shkonte të vizitonte të birin (Video)

Një anëtar i parlamentit izraelit u ngrit në këmbë gjatë udhëtimit me autobus në Rripin e Gazës dhe sulmoi një grua palestineze që po shkonte për të vizituar djalin e saj të burgosur në Izrael.

Ai i ka deklaruar gruas se i biri i saj ishte një qen, një insekt dhe një terrorist.

“Djali yt është një qen. Ai është një qen. Ju vini për të vizituar plehun që e kemi futur në burg, të cilin e shihni si anëtarë të familjes suaj “, tha ligjvënësi izraelit, Oren Hazan, në një video të publikuar në Facebook.

“Unë jam anëtar i parlamentit izraelit”, tha ai duke shtuar se “do të sigurohem që ju nuk do të lejoheni të vizitoni më këtu” sepse “miqtë tuaj në Gaza po i mbajnë vëllezërit tanë”.

Hazani më pas kërcënoi gruan palestineze duke bërtitur “nëse nuk e kaloni mesazhin se ne duam që fëmijët tanë të kthehen, ju nuk do ta shihni birin ose burrin tuaj”.

Ligjvënësi izraelit, i cili është anëtar i partisë Likud të kryeministrit Benjamin Netanyahu, shkoi aq larg sa të bënte kërcënime të dukshme me vdekje ndaj gruas, duke thënë “do ta tregojmë djalin tënd në dhe”.