Ballina Lajmet Rajon dhe Botë Dijetari i njohur Tarik Ramadan lirohet nga akuzat për përdhunim – VIDEO

Dijetari i njohur Tarik Ramadan lirohet nga akuzat për përdhunim – VIDEO

Swiss leading Islamic scholar Tariq Ramadan leaves the Geneva court house on May 15, 2023, during a break at the opening day of his trial for "rape and sexual coercion" in a case dating back 15 years. (Photo by Fabrice COFFRINI / AFP)

Tarik Ramadan u shpall i pafajshëm pasi një gjykatë zvicerane nuk gjeti prova kundër ish-profesorit të Universitetit të Oksfordit.

Dijetari i mirënjohur Tarik Ramadan është liruar nga akuzat për përdhunim dhe detyrim seksual pasi një gjykatë zvicerane nuk gjeti prova kundër ish-profesorit të Universitetit të Oksfordit.

Avokati i paditëses, menjëherë pas vendimit të mërkurën, tha se do të apelojnë vendimin e Gjykatës Penale të Gjenevës.

Akademikut iu dhanë gjithashtu rreth 151,000 franga zvicerane si dëmshpërblim nga kantoni zviceran i Gjenevës.

Pas leximit të vendimit në gjykatë, predikuesi 60-vjeçar zviceran buzëqeshi dhe u përqafua nga një prej vajzave të tij.

Akuzuesja e tij një 57-vjeçare zvicerane, e identifikuar me emrin e supozuar “Brigitte”, u largua nga salla e gjyqit para përfundimit të vendimit. Gruaja kishte akuzuar atë për përdhunim në një hotel në Gjenevë në vitin 2008.

Prokurorët kishin kërkuar javën e kaluar një dënim me tre vjet burg për Ramadan. Rasti ishte hera e parë që ai gjykohej për përdhunim, megjithëse rrezikon të përballet me një gjyq në Francë me akuzat për sulm seksual.

Avokati që përfaqëson Brigitte, një e konvertuar në Islam, tha se ajo ishte përdhunuar vazhdimisht dhe i ishte nënshtruar “torturës dhe barbarizmit”.

“Ramadanofobia”

Tarik Ramadan, një figurë e shquar në Islamin Evropian, hodhi poshtë akuzat, duke këmbëngulur se nuk kishte asnjë aktivitet seksual mes tij dhe Brigitte, dhe duke thënë se ai ishte viktimë e një “kurthi”.

Ndërkohë, mbrojtja këmbënguli në pafajësinë e Ramadan dhe theksoi se nuk kishte prova në këtë rast. Gjatë deklaratave të tij përfundimtare në gjykatë javën e kaluar, Ramadan kërkoi të mos gjykohej për “ideologjinë e tij reale ose të supozuar” dhe u kërkoi gjyqtarëve të mos “ndikoheshin nga media dhe zhurma politike”.

“Harrojeni që unë jam Tarik Ramadan!” tha ai.

Brigitte ishte në fillim të të 40-ave në kohën e sulmit të supozuar në vitin 2008. Ajo paraqiti një ankesë 10 vjet më vonë, duke i thënë gjykatës se morri guximin të paraqitej pas ankesave të ngjashme të paraqitura në Francë.

Studiuesi me origjinë zvicerane u arrestua në vitin 2018, disa muaj pasi disa gra dolën me akuza ndaj tij për sulm seksual në vazhdën e lëvizjes #MeToo. Atij iu dha lirimi me kusht në ato raste pas gati 10 muajsh në paraburgim francez.

Avokatët e tij akuzuan gjithashtu Brigitte dhe gratë që kanë ngritur akuza kundër tij në Francë për falsifikim të lidhjeve për të rrëzuar dijetarin islamik, duke përmendur “Ramadanofobinë”.

Ramadan ka mohuar vazhdimisht të gjitha akuzat. Ai është nipi i Hassan al-Banna, themeluesit të Vëllazërisë Muslimane të Egjiptit.

Një figurë e diskutueshme në Perëndim, Ramadan mori një doktoraturë nga Universiteti i Gjenevës. Ai ishte profesor i studimeve bashkëkohore islame në Oksford deri në nëntor 2017 dhe mbajti role vizitore në universitete në Katar dhe Marok.

Ramadan u detyrua të merrte pushim kur u shfaqën akuzat për përdhunim në Francë për sulme të dyshuara midis 2009 dhe 2016. /AJA/mesazhi

Exit mobile version