Ka përfunduar ndeshja mes Borussia Dortmundit dhe skuadrës së Copenhagen, ku nikoqirët kanë arkëtuar pikët e plota nga kjo ndeshje.
Fitorja e parë e fazës së grupeve të edicionit të ri të Ligës së Kampionëve i takon skuadrës së Dortmundit, e cila e ka mposhtur si vendase Copenhagen, përcjell KosovaPress.
Pas plot 90’ minutave lojë në stadiumin “Signal Iduna Park”, Dortmundi e mposht me rezultat 3:0 skuadrën e Copenhagen.
Golashënues te skuadra gjermane ishin Marco Reus (minuta e 35’), Raphael Guerreiro (minuta e 42’) dhe Jude Bellingham (minuta e 83’).
Me këtë fitore, Dortmundi tani merr kreun e Grupit G, grup ky në të cilin gjenden edhe Manchester City dhe Sevilla.
Rezultati final, 3:0 në favor të Dortmundit.
