Presidenti i Türkiyes, Recep Tayyip Erdoğan, ka përkujtuar Ditën Ndërkombëtare të Gruas duke shprehur vlerësim për gratë në mbarë botën, veçanërisht për ato që janë prekur nga luftërat në rajone të ndryshme.
Në një mesazh të publikuar në platformën X, Erdogan uroi gratë në mbarë botën dhe theksoi rolin e tyre të rëndësishëm në shoqëri dhe në familje.
“Uroj të gjitha gratë, përfshirë bashkëshorten time të nderuar dhe vajzat e mia të dashura, të cilat si nëna, bashkëshorte, motra, shoqe dhe bija i japin kuptim dhe vlerë jetës sonë në këtë 8 Mars – Ditën Ndërkombëtare të Gruas,” tha ai.
Presidenti turk përmendi gjithashtu gratë që janë prekur nga konfliktet në rajone të ndryshme të botës, duke iu referuar asaj që e quajti “këndet e ndryshme të gjeografisë sonë shpirtërore dhe kulturore”.
“Nga Gaza në Siri, nga Jemeni në Sudan, u dërgoj urimet e mia për 8 Marsin, Ditën Ndërkombëtare të Gruas, nënave dhe grave të pikëlluara në shumë pjesë të kësaj gjeografie. I përshëndes të gjitha me respekt të thellë,” shkroi Erdogan në mesazhin e tij. /mesazhi
