Forcat fisnore në provincën siriane Deir ez-Zor kanë marrë kontrollin e të gjitha zonave që ishin nën pushtimin e organizatës terroriste YPG/SDF, duke çliruar gjithë provincën, raporton Anadolu.
Forcat fisnore, banorë vendas të rajonit, vendosën kontroll mbi gjithë provincën si pjesë e avancimit të tyre kundër grupit terrorist, i cili nisi të shtunën në mbrëmje.
Pas marrjes së pjesëve jugore dhe qendrore të provincës, fiset avancuan drejt veriut, duke marrë kontrollin e zonave që shtrihen deri në kufijtë me Rakan dhe Haseken.
Kështu, prania e terroristëve të YPG/SDF-së është eliminuar plotësisht nga e gjithë provinca.
Vendbanimet e Deir ez-Zorit që janë vënë nën kontroll janë: Mheimide, Suvaidan Xhazira, Murad, Giranic, Tajane, Al-Xharzi, Hatla, Al-Huseinijeh, Halabije, Al-Baghour, Al-Boubadran, Al-Bahrah, Susah, Abu Hardub, Al-Shenan, Darnaxh, Diban, Al-Havajixh, Al Busajra, Subha, Dehla, Xhadid Bagara, Khasham, Mazlum, Al-Hisan, Fusha Xhafra, Huvajixh Bumasah dhe Sava.
Në një deklaratë të Zyrës së Guvernatoratit të Deir ez-Zorit thuhet gjithashtu se fiset më herët kishin çliruar nga grupi terrorist edhe zonën që përfshin fushën e naftës Omar dhe fushën e gazit natyror Kuniko, ndër qendrat më të mëdha energjetike të Sirisë.
