Një person është gjetur pa shenja jete në Pejë.
Siç njofton Policia e Kosovës, sot rreth orës 10:15 në Pejë është gjendur një person pa shenja jete.
Ekipet e mjekësisë ligjore janë duke u marr me rastin për ta konstatuar motivin e vdekjes.
“Rreth orës 10:15 kemi marr informatën se gjendet një person pa shenja jete në rrugën ‘Lidhja e Prizrenit’. Me të marr informacionin, ekipet policore dhe ato mjekësore kanë dal në vendin e ngjarjes dhe kanë konstatuar se personi rreth moshës 30 vjec është pa shenja jete. Ekipet e mjekësisë ligjore janë duke u marr me rastin për ta konstatuar motivin e vdekjes”, ka thënë zëdhënësi i policisë për Rajonin e Pejës, Driton Rugova.
