Gjykata në ishullin grek Lesbos ka rrëzuar akuzat kundër grupit të vullnetarëve dhe disa punëtorëve që kanë ndikuar në aksionet e shpëtimit të refugjatëve. Gjykata ka vendosur që për shkaqe procedurale ta kthejë rastin te prokuroria.
Procesi gjyqësor në të cilin 24 persona, 17 shtetas të huaj dhe shtatë grekë – u akuzuan për angazhimin e tyre rreth refugjatëve të sapoardhur në Lesbos. Procesi gjyqësor ndaj tyre ka ngjallur reagimin e organizatave për të drejtat e njeriut.
Të akuzuarit kanë argumentuar se nuk po bënin asgjë më shumë sesa të ndihmonin njerëzit, jeta e të cilëve ishte në rrezik. Zyra e OKB-së për të drejtat e njeriut ka deklaruar se proceset gjyqësore ndaj vullnetarëve janë shqetësuese, sepse kriminalizojnë punën e shpëtimit të jetëve në det dhe vendosin precedent të rrezikshëm.
Në grupin e të akuzuarve ishte edhe siriania e njohur për të drejtat e njeriut, Sarah Mardini. Rrëfimi i jetës së saj si refugjate është kthyer në film të platformës “Netflix”. /koha
