Ylli argjentinas Lionel Messi ka kryesuar në një votim që ekipi i Barcelonës ka zhvilluar për të përcaktuar golat më të mirë në historinë e klubit, transmeton Anadolu Agency (AA).
Në votimin e zhvilluar në llogarinë Twitter të Barcelonës për zgjedhjen e golave më të mirë në historinë e klubit morën pjesë më shumë se 500 mijë futbolldashës nga 160 vende.
Lionel Messi ka kryesuar në garën në të cilën kanë konkuruar 63 gola kandidatë, ku golat e shënuar nga ylli argjentinas janë renditur në 3 vendet e para.
Është renditur i pari me 45 për qind të votave goli i shënuar nga Messi duke kaluar kundërshtarët me topin që mori nga mesi i fushës në ndeshjen mes Barcelonës dhe Getafes në gjysmëfinale për Kupën e Mbretit të Spanjës gjatë 2006-2007.
Me 28 për qind të votave është renditur i dyti, goli i shënuar nga Messi në ndeshjen kundër Athletic Bilbao në finalen për Kupën e Mbretit të Spanjës gjatë 2014-2015, dhe në vendin e tretë me 16 për qind të votave goli i shënuar në stadiumin “Santiago Bernabeu” kundër Real Madridit në sezonin 2010-2011.
Ndërsa në vend të katërt është renditur goli i shënuar nga Sergi Roberto në ndeshjen e kthimit në vitin 2017 ku Barcelona arriti në gjysmëfinale të Ligës së Kampionëve duke fituar me rezultatin 6-1 përballë Paris Saint-Germain (PSG) me të cilën ndeshjen e parë kishte humbur 4-0.
