Profesori i shkencave politike në Universitetin Krea të Indisë, Sumantra Bose, tha për Al Jazeera se vendi aktualisht është i dominuar nga forcat nacionaliste ekstreme.
“Ka një histeri mediatike dhe një zemërim të përhapur publik që kërkon hakmarrje dhe ndëshkim,” tha ai, duke iu referuar atmosferës pas sulmit vdekjeprurës në Pahalgam të martën.
“Dhe sigurisht, fjalimi i kryeministrit Modi dje e ka ushqyer edhe më shumë këtë zjarr,” theksoi Bose.
Profesori shtoi se zemërimi është rritur edhe sepse viktimat ishin turistë nga të gjitha pjesët e Indisë.
“Trupat po kthehen në qytete të ndryshme anembanë vendit,” vuri në dukje ai.
“Atmosfera këtu është jashtëzakonisht e tensionuar dhe një pjesë e madhe e mediave indiane po luan një rol të madh në nxitjen e tronditjes dhe zemërimit që ka përfshirë vendin,” përfundoi Bose.
