Ushtria izraelite ka njoftuar se ka nisur një “valë sulmesh” ajrore në jug të Libanit, disa orë pasi u bëri thirrje banorëve të qytetit të Tiros dhe kampeve palestineze përreth të largohen nga zona.
Sipas deklaratës zyrtare, operacioni vjen si përgjigje ndaj raketave të lëshuara drejt territorit izraelit nga grupi Hezbollah.
Autoritetet izraelite thanë se objektiv i sulmeve janë pozicionet dhe infrastruktura e Hezbollahut në jug të Libanit, në një situatë që shënon përshkallëzim të mëtejshëm të tensioneve në kufirin mes dy vendeve.
Deri më tani nuk ka të dhëna të konfirmuara për viktima apo dëme materiale nga sulmet e fundit.
