Ballina Lajmet Shqipëri Këmbimi valutor, Euroja në nivelin më të ulët të 10 viteve

Këmbimi valutor, Euroja në nivelin më të ulët të 10 viteve

Euroja ka vijuar të humbë pikë edhe sot, në tregun e brendshëm valutor, duke shënuar nivelin më të ulët në këto 10 vitet e fundit, në këmbim me lekun.

Sipas kursit zyrtar të Bankës së Shqipërisë, një euro u këmbye të premten me 131.19 lekë, ose 0.26 lekë më pak se një ditë më parë. Ndërsa monedha e gjelbër amerikane forcoi lehtë pozitat me 0.04 lekë, duke u ngjitur në kuotën e 106.37 lekëve.

Përfaqësues të tregut valutor, shprehen se luhatjet e këmbimit i adresohen kryesisht ofertës së lartë për euro dhe kërkesës në rënie për këtë monedhë.

Por sipas tyre, edhe masat që ka marrë Banka e Shqipërisë për de-eurozimin kanë ndikuar në stepjen e veprimeve financiare në euro. Bankat po nxisin individët që të konvertojnë depozitat nga euro në lekë, çka është një tjetër faktor i shtuar që ka rritur ofertën në valutë dhe favorizon forcimin e monedhës vendase, Lek.

Exit mobile version