Ballina Lajmet Rajon dhe Botë Kinë – Viktima dhe të zhdukur pas motit të keq

Kinë – Viktima dhe të zhdukur pas motit të keq

Të paktën 16 persona kanë vdekur dhe 36 të tjerë janë raportuar të zhdukur pas një përmbytjeje në veriperëndim të Kinës, sipas një raporti në televizionin shtetëror vendas.

Përmbytjet ndodhën mbrëmjen e së mërkurës në malet në qarkun Datong, pranë qytetit Xining, në provincën Qinghai, pas reshjeve të dendura.

”Reshjet shkaktuan rrëshqitje dheu që bllokuan dhe devijuan lumenjtë duke prekur më shumë se 6 000 persona në dy qytete dhe gjashtë fshatra”, thuhet në raport.

Autoritetet mobilizuan rreth 2 000 punonjës të ekipeve të shpëtimit, përfshirë oficerë policie, njësi paraushtarake, shërbime emergjente dhe zyrtarë qeveritarë.

”Provinca Qinghai ka shpallur nivelin e dytë më të lartë të alarmit në sistemin e saj me katër nivele të reagimit ndaj emergjencave dhe fatkeqësive”, njoftoi media shtetërore.

Një numër i madh i pakicave Hui dhe Tu jetojnë në rajonin e prekur. /atsh

Exit mobile version