Ka qenë një sezon për t’u mbajtur mend për yllin e Paris Saint-Germain, Ousmane Dembélé, i cili ka regjistruar 32 gola dhe tetë asistime në 42 ndeshje në të gjitha garat.
I kritikuar shpesh në të kaluarën për mungesë vazhdimësie dhe përfundim të dobët të aksioneve, Dembélé tani po kalon formën më të mirë të karrierës dhe kjo ka bërë që klubet më të mëdha të Premier League t’i hedhin sytë nga ai.
“CaughtOffside” ka zbuluar se Arsenali është një nga admiruesit më të mëdhenj të tij, së bashku me Liverpoolin, Manchester United dhe Chelsean.
Megjithatë, PSG dëshiron t’i ofrojë yllit francez një kontratë të re, ndaj duket se do të jetë e vështirë ta largojnë atë nga “Parc des Princes”.
Arsenali sapo ka kaluar në gjysmëfinalen e Ligës së Kampionëve, ku do të përballet pikërisht me PSG-në e Dembélés.
Kjo do t’i japë “Topçinjve” një mundësi për ta vëzhguar nga afër, edhe pse tifozët do të shpresojnë që 27-vjeçari të mos ketë ditën e tij më të mirë në këto sfida.
Dembélé ishte shumë i rrezikshëm kur ndihmoi PSG-në të eliminonte Liverpoolin nga Liga e Kampionëve, me analistin Joe Cole që e përshkroi si “të pandalshëm” pas atij dueli.
Duke folur për “TNT Sports”, Cole tha: “Te Dembélé, ata kanë ndoshta lojtarin më në formë, jo vetëm si krah, por në të gjithë futbollin europian. Dhe kur është në formë, me cilësitë që ka, është i pandalshëm”, u shpreh Cole.
Liverpooli gjithashtu mund të përfitonte nga transferimi i Dembélés, i cili do t’u sillte diçka ndryshe dhe një rritje krahasuar me lojtarë si Diogo Jota dhe Darëin Núñez.
Sa i përket Manchester United, do ta kishte të vështirë të tërhiqte një lojtar si Dembélé nëse nuk luan në garat europiane sezonin tjetër, por nuk ka dyshim se ai do të ishte një përforcim madhor për skuadrën e Ruben Amorim, duke zëvendësuar lojtarët si Marcus Rashford dhe Antony.
