Klubi i karatesë nga Ferizaj “Sharri” ka shënuar fitore bindëse në Garën Ndërkombëtare të Karatesë në Tetovë, duke fituar 4 kupa dhe 35 medalje.
Në garën “Golden Cup”, morën pjesë klubet e karatesë nga katër shtete, nga Kosova, Shqipëria, Maqedonia dhe Bullgaria.
Klubi “Sharri” i mori çmimet kryesore, si Klubi më i suksesshëm i turneut, Vendi i parë ekipor për vajzat, Vendi i parë ekipor për djemtë, Klubi më masovik i huaj i turneut.
Po ashtu garuesit e këtij klubi kanë fituar 17 medalje të arta, 7 medalje të argjendta dhe 11 medalje të bronzta.
Kupat i ndau mjeshtri shqiptar i karatesë me famë botërore, Enver Idrizi.
