Sekretari i Përgjithshëm i Ministrisë së Punëve të Jashtme të Fitim Sadiku, ka pritur sot në një takim pune homologun e tij nga Shqipëria, Gazmend Barbullushi.
Në kuadër të këtij takimi të nivelit të lartë nga të dyja vendet u diskutuan çështje të interesit të përbashkët, me një fokusim të veçantë në ato që prekin funksionalizimin e Konsullatave të Përbashkëta si dhe lehtësimit të Shërbimeve Konsullore për shtetasit e të dyja vendeve.
Në këtë drejtim, u shtruan ide për ofrimin e Shërbimeve Konsullore në hapësira të ndryshme gjeografike, respektivisht në shtete, ku njëri nga dy vendet nuk ka përfaqësim diplomatik.
Para pak kohësh, kryediplomati kosovar, Behgjet Pacolli, kishte ngritur idenë e blerjes së objekteve të përbashkëta në qendra të rëndësishme politike botërore, çështje kjo që u theksua në margjina të këtij takimi edhe nga Sekretari i Përgjithshëm i Ministrisë së Punëve të Jashtme të Shqipërisë, Ambasador Barbullushi dhe që u pranua me interes të veçantë edhe nga. Sadiku.
Kosova dhe Shqipëria në kuadër të bashkëpunimit në mes të dyja Ministrive respektive sot kanë disa Konsullata të Përbashkëta, transmeton Klan Kosova.
