Kryeministri i Kosovës, Albin Kurti ka uruar Keir Stamer partia e të cilit doli fituese e zgjedhjeve kombëtare në Britaninë e Madhe.
Starmer do të jetë kryeministri i ri i Britanisë, ndërsa Kurti duke e cilësuar fitoren e tij si dërrmuese dhe historike ka thënë se pret që të ketë bashkëpunim.
“Urime për Keir Starmer në fitoren dërrmuese historike mbrëmjen e kaluar. Ju dëshirojmë gjithë të mirat në udhëheqjen e vendit dhe presim bashkëpunim”, ka shkruar Kurti në X.
Partia Laburiste ka siguruar shumicë të madhe të votave në zgjedhjet parlamentare të Britanisë, duke i dhënë fund kështu udhëheqjes së Britanisë nga Konservatorët që nga viti 2010.
