Gjykata e Apelit e Hungarisë ka marrë vendim për burgim të përjetshëm të tre shtetasve të saj dhe një shtetasi afgan për shkak të rolit të tyre në vdekjen e 71 emigrantëve në një maune në Austri në verën e vitit 2015.
Në mesin e viktimave kishte burra të moshuar, gra fëmijët madje dhe foshnje pakditëshe.
Katër personat i kishin lënë emigrantët nga Siria, Iraku dhe Afganistani të bllokuar në një maune që transportonte ushqim, dhe ishin larguar, duke i lënë ata në temperatura ekstreme. Pas shumë orësh pa u ajrosur kabina e maunes, aty nisi të zvogëlohej sasia e ajrit, cfarë ka shkaktuar edhe vdekjen e tyre.
Ata ishin larguar në drejtime të panjohura duke i lënë emigrantët duke vdekur, ndërsa u kapën nga autoritetet austriake disa orë pasi tragjedia u zbulua.
Fillimisht ndaj tyre ishte caktuar heqje lirie prej 25 vitesh, por më pas ai vendim u pezullua, dhe tani dënimi i përjetshëm është i pakthyeshëm. /tesheshi.com/
