Mbi 6 mijë qytetarë kanë nënshkruar peticionin që shpreh kundërshtimin për ndërtimin e hidrocentraleve në Lumbardhin e Pejës.
Sipas një njoftimit të degës së PDK-së në Pejë, bëhet e ditur se mbledhja e nënshkrimeve nga qytetarët po vazhdon dhe se do të vazhdoj deri në shfuqizimin e plotë të këtij projektit.
Ata po e konsiderojnë të dëmshëm për komunën e Pejës dhe më gjerë.
“Mbledhja e nënshkrimeve nga qytetarët, kundër kësaj ideje për dëmtimin e perlës së Ballkanit, Grykës së Rugovës, ka vazhduar edhe sot. Nënshkrimi i peticionit nga qytetarët, do të vazhdojnë edhe ditëve në vijim, deri në shfuqizimin e plotë të këtij projekti të dëmshëm për komunën e Pejës dhe më gjerë. Deri më tani, peticionin e kanë nënshkruar mbi 6 mijë qytetarë”, thuhet në një njoftim.
Ndryshe, PDK dhe AAK kanë dalë me komunikata duke u shprehur kundër termocentraleve në Lumbardh të Pejës.
Për këtë projekt, dje ka pasur edhe protest në Pejë.
