Bashkëshorti i një prej mësueseve që u vranë në sulmin me armë në Teksas ka humbur jetën si pasojë e një ataku në zemër.
Irma Garcia, 46-vjeçe, ishte një nga dy mësueset që mbetën të vrara pasi një adoleshent hapi zjarr të martën në Uvalde, Tekas. Të enjten, bashkëshorti, Joe si duket nuk e përballoi dot më dhimbjen dhe ndërroi jetë.
Nipi i çiftit shkroi në Twitter se ai kishte vdekur nga ‘pikëllimi’.
“Ju lutemi lutuni për familjen tonë. Zoti na mëshiroftë”, – shkroi ai.
Ata ishin të martuar prej 24 vitesh dhe kishin katër fëmijë. Të mbijetuarit nga të shtënat kanë treguar se si Irma dhe kolegja e saj mësuese Eva Mireles, 44 vjeç, vdiqën duke mbrojtur nxënësit nga plumbat.
“Ajo ndërroi jetë me fëmijët në krahë duke u përpjekur t’i mbronte”,- shkroi në Twitter një tjetër familjar. /abcnews
