Automjeti i lezetshëm elektrik po i shtohet edhe një vendi tjetër në Evropë.
Vetura e vogël elektrike Microlino do të jetë e disponueshme për shitje edhe në Francë.
“Jemi shumë të emocionuar për lansimin sepse besojmë se Franca do të jetë një nga tregjet tona më të mëdha në Evropë. Opsioni i porosive është i hapur dhe dërgesat do të fillojnë në javët e ardhshme, në qytetet sikurse Paris, Lyon dhe Frejus dhe së shpejti edhe në qytetet e tjera”, tha bashkëthemeluesi i Micro-s, Merlin Ouboter.
Francezët tashmë janë të mësuar me automjetet e vogla elektrike, pasi vendi është edhe shtëpia e veturës së njohur Citroen Ami.
Microlino ka një shpejtësi maksimale prej 90 kilometrave në orë dhe një motor 12.5 kW.
Siç thuhet, Microlino duket si një makinë e vogël elektrike me katër rrota, por në të vërtetë është klasifikuar si një “katërçikletë e rëndë” L7e në Evropë.
