Napoli ka vazhduar me fitore në kampinatin italian.
Lideri i Serie A, ka mposhtur në udhëtim Spezian me rezultat 3-0.
Kvaratskhelia në minutën e 47-të dhe Osimehn me dopieten e tij (68′ dhe 73′), i sollën Napolit tre pikë të plota nga kjo transfertë.
Skuadra e drejtuar nga Luciano Spaletti po vazhdon me hapa të sigurt drejt titullit të Serie A, duke blinduar vendin e parë me 56 pikë, 16 më shumë se skuadra e Interit.
Në anën tjetër Spezia mbetet në pozitën e 17-të, duke luftuar për mbijetesë me 18 pikë të grumbulluara deri më tani.