Kryeministri izraelit Benjamin Netanyahu, i cili kërkohet nga Gjykata Penale Ndërkombëtare (ICC) për krime lufte në Gazën e rrethuar, ka deklaruar se ende planifikon të vizitojë Nju Jorkun – edhe pse kryebashkiaku i ardhshëm i qytetit, Zohran Mamdani, ka premtuar se do të zbatojë urdhrin e arrestit kundër tij.
“Po, do të vij në Nju Jork,” tha Netanyahu në një intervistë virtuale për forumin Dealbook të New York Times të mërkurën.
I pyetur nëse do të kërkonte një takim me Mamdanin, Netanyahu u përgjigj: “Nëse ai ndryshon mendim dhe pranon se ne kemi të drejtë të ekzistojmë, do të ishte një pikë e mirë nisjeje për bisedë.”
Zohran Mamdani — një socialist demokrat, që do të bëhet kryebashkiaku i parë musliman dhe i parë me origjinë nga Azia Jugore në Nju Jork — ka deklaruar shumë herë se mbështet të drejtën e Izraelit për të ekzistuar.
Megjithatë, ai ka refuzuar të thotë se Izraeli ka të drejtë të jetë një shtet ekskluzivisht hebre, duke theksuar se asnjë vend nuk duhet të ketë “hierarki të shtetësisë” të bazuar në fe apo faktorë të tjerë.
Mamdani ka premtuar se do të angazhojë policinë e Nju Jorkut (NYPD) për të zbatuar urdhrat e arrestit të ICC-së ndaj çdo lideri të kërkuar, përfshirë Netanyahu dhe presidentin rus Vladimir Putin.
ICC me qendër në Hagë tha vitin e kaluar se ka prova të mjaftueshme që Netanyahu mban përgjegjësi për krime lufte dhe krime kundër njerëzimit në ofensivën izraelite kundër Gazës. /mesazhi
