Reagime të ashpra nga Arabia Saudite & Co, pasi kryezullumqarët e botës u shfaqën të tillë dhe në dhjetë ditët e fundit të Ramazanit
Të martën, forcat pushtuese izraelite sulmuan besimtarët pranë kompleksit të Xhamisë Al-Aksa, ndërsa ata përpiqeshin të kryenin namazin e mëngjesit, duke u përpjekur t’i shpërndanin dhe t’i pengonin të arrinin në oborrin e xhamisë. Kjo ndodhi mes mbylljes së vazhdueshme të xhamisë për besimtarët dhe vendosjes së masave të rrepta në hyrjet e saj.
Forcat pushtuese sulmuan besimtarët pranë Xhamisë Al-Aksa ndërsa ata po luteshin, në një kohë kur autoritetet pushtuese i penguan besimtarët të hynin në xhami. Kjo detyroi dhjetëra banorë të Jerusalemit të shkonin në pikën më të afërt të mundshme me Al-Aksa për të kryer namazin e tyre.
Disa besimtarë u mblodhën pranë Portës së Damaskut në Jerusalemin e pushtuar, ku kryen namazin pasi u ndaluan të hynin në Xhaminë Al-Aksa, përpara se anëtarët e shërbimeve të inteligjencës së pushtimit të ndërhynin dhe t’i shpërndanin nga zona.
Aktivistët e Jerusalemit në mediat sociale konfirmuan se parandalimi i namazeve brenda Xhamisë Al-Aksa gjatë dhjetë ditëve të fundit të Ramazanit është një precedent i rrezikshëm, pasi kjo periudhë nuk ka parë masa të ngjashme që nga pushtimi i Jerusalemit në vitin 1967.
Në dritën e këtyre masave, thirrjet midis banorëve të Jerusalemit dhe palestinezëve brenda Izraelit po intensifikohen për të udhëtuar dhe për t’iu afruar Xhamisë Al-Aksa, dhe për t’u lutur në pikën më të afërt të mundshme me të, për të riafirmuar angazhimin e tyre ndaj xhamisë dhe refuzimin e tyre të kufizimeve të vendosura nga policia e pushtimit për hyrjen në të.
Dhe kanë pasuar reagimet e menjëherëshme nga bota islame për këtë akt të ndyrë sionist.
Arabia Saudite ka udhëhequr dënimin e gjerë arab dhe islam kundër bllokadës së vazhdueshme që Izraeli i ka imponuar Xhamisë Al-Aksa, ndërsa ministrat e jashtëm i kanë kërkuar fuqisë pushtuese që të ndalojë menjëherë mbylljen e portave të këtij kompleksi të shenjtë.
Sipas raportimeve të fundit, ministrat e jashtëm të Arabisë Saudite, Jordanisë, Emirateve të Bashkuara Arabe, Katarit, Indonezisë, Pakistanit, Egjiptit dhe Turqisë kanë paralajmëruar zyrtarisht se Izraeli nuk gëzon asnjë sovranitet mbi Jerusalemin e pushtuar apo mbi vendet e tij të shenjta islame dhe të krishtera.
Ata deklaruan se kufizimi i qasjes në vendet e adhurimit përbën një shkelje flagrante të së drejtës ndërkombëtare, të drejtës humanitare dhe statusit ekzistues historik e ligjor të qytetit.
Arabia Saudite priu në këtë reagim kolektiv pasi besimtarët u penguan të hyjnë në xhami për të dymbëdhjetën ditë radhazi, një situatë tepër e tensionuar kjo që përkon me muajin e shenjtë të Ramazanit i cili pritet të përfundojë pas pak më shumë se një jave.
Në deklaratën e tyre të përbashkët, ministrat theksuan se kufizimet e sigurisë në aksesin ndaj Qytetit të Vjetër të Jerusalemit, së bashku me masat diskriminuese dhe arbitrare, cenojnë parimin e lirisë së pakufizuar të adhurimit.
Ata rikonfirmuan se e gjithë zona e Al-Aksas, e njohur edhe si Al-Haram Al-Sharif, është një vend i shenjtë ekskluzivisht për myslimanët dhe menaxhohet ligjërisht nga Ministria e Vakëfeve e Jordanisë, e cila ka autoritetin e vetëm për të mbikëqyrur kompleksin.
Përmes Agjencisë Saudite të Shtypit, diplomatët i bënë thirrje komunitetit ndërkombëtar që të kërkojë me vendosmëri ndalimin e shkeljeve izraelite mbi vendet e shenjta.
Ky reagim vjen në një kohë kur Izraeli ka shpallur gjendjen e jashtëzakonshme për shkak të konfliktit me Iranin, ku pas sulmeve ajrore izraelite dhe amerikane në territorin iranian që nga fundi i shkurtit, Irani është përgjigjur me sulme të vazhdueshme me raketa dhe dronë në mbarë rajonin. /tesheshi
