Autoriteti Palestinez (PA) paralajmëroi të hënën për një “gjenocid” izraelit në Rafah mes planeve izraelite për të pushtuar qytetin në Rripin jugor të Gazës.
“Autoritetet izraelite kanë filluar në mënyrë efektive përgatitjet për kryerjen e një gjenocidi të madh duke pushtuar Rafah,” tha në një deklaratë zëdhënësi i AP Nabil Abu Rudeineh.
Ai e konsideroi administratën amerikane përgjegjëse për “këto politika të rrezikshme izraelite”.
“Administrata amerikane, e cila ofron mbështetje financiare dhe ushtarake për pushtimin (izraelit), po inkurajon kryeministrin Benjamin Netanyahu dhe qeverinë e tij që të vazhdojnë masakrat e tyre kundër popullit palestinez,” tha ai.
Zëdhënësi paralajmëroi se pushtimi i Rafahut do të nënkuptonte se 1.5 milionë palestinezë do t’i nënshtroheshin “një masakre gjenocidiale dhe përpjekjeve për zhvendosje”.
