Palestinezët kanë mbajtur një meshë të veçantë për të nderuar Papa Françeskun pas lajmit për vdekjen e tij. Ceremonia u zhvillua në një kishë në Tokën e Shenjtë dhe mblodhi besimtarë të shumtë të krishterë palestinezë që u lutën për shpirtin e tij.
Pamjet tregojnë momente nga mesha, ku flamuri i Vatikanit dhe portrete të Papa Françeskut u vendosën në altar, ndërsa priftërinj dhe besimtarë ndezën qirinj dhe u lutën në heshtje.
Papa Françesku ishte një figurë e dashur për shumë palestinezë, për shkak të qëndrimeve të tij të forta në mbështetje të paqes dhe drejtësisë në rajon. Vdekja e tij ka shkaktuar pikëllim të thellë edhe në mesin e komunitetit të krishterë palestinez.
