Presidenti serb, Aleksandër Vuçiq, ka nënshkruar një urdhër, sipas mediave të Serbisë, që ushtria serbe të ngrihet në gatishmërinë më të lartë luftarake.
Sipas raportimeve, ai i ka urdhëruar forcat që të lëvizin urgjentisht në drejtim të kufirit me Kosovën.
Reagimi i tij ka ardhur pasi në veri janë mbledhur grupe njerëzit të cilët nuk kanë lejuar hyrjen e kryetarëve të rinj të tyre – Zveçan, Leposaviq e Zubin Potok. E, në Mitrovicë të Veriut janë lëshuar sirenat e alarmit.
Pas tij ka folur edhe ministri i Mbrojtjes, Milosh Vuçeviq, i cili e ka përshkruar situatën në veri si “dramatike”. Ai ka thënë se “do të implementojmë urdhrin e komandantit suprem dhe do të bëjmë çfarë pritet nga ushtria serbe”.
