Porsche po përgatitet të prezantojë modelin e ri 911 GT3 Cup të gjeneratës 992.2 gjatë kësaj vere, me synim garat elitare.
Makina është “optimizuar në mënyrë të gjithanshme” që nga janari 2024, me fokus në aerodinamikën e pjesës së përparme.
Brenda, modeli i ri ka një “timon të përmirësuar”, panel digjital të përditësuar, sedilje garash dhe jo vetëm.
Porsche premton përmirësime në elektronikë, frenim, motor, transmision dhe manovrim.
Makina po testohet me karburant sintetik (eFuel) në pistat e Monza-s dhe Lausitzring në kuadër të Supercup.
Ajo do të debutojë zyrtarisht në garat e Porsche Mobil 1 Supercup dhe Carrera Cup që nga sezoni 2026.
