Janë publikuar fotot e para të Tesla Model Y “Juniper” të rifreskuar për vitin 2025 pa asnjë kamuflazh.
Imazhet u postuan në Instagram nga CocheSpias, një llogari e njohur për publikimin e fotove spiune të veturave të ardhshme.
Bëhet e ditur se edhe përdoruesi i X @DominicBRNKM publikoi gjithashtu një grup fotografish të EV.
Përditësimet më të mëdha vizuale të automjetit elektrik më të shitur në botë janë në pjesën e përparme dhe të pasme, e sidomos në dritat e tij.
Megjithatë, ende nuk dihet se çfarë përmirësimesh do të zbatojë Tesla në brendësinë e Modelit Y.
Modeli Y i përditësuar i Tesla pritet të dalë në shitje këtë vit, pesë vjet pas prezantimit të modelit origjinal.
