Të paktën 21 persona kanë humbur jetën nga përmbytjet e shpejta të shkaktuara nga reshjet e dendura në provincën bregdetare Safi, 330 kilometra në jug të Rabatit, njoftuan autoritetet marokene.
Përmbytjet plagosën gjithashtu 32 persona të tjerë të dielën, shumica prej të cilëve janë liruar tashmë nga spitali, sipas një deklarate zyrtare.
Vetëm një orë reshje intensive mjaftoi për të përmbytur shtëpitë dhe dyqanet në qytetin e vjetër të Safi-t, për të rrëmbyer makina dhe për të bllokuar shumë rrugë në qytet dhe rrethinat e tij. Autoritetet vazhdojnë përpjekjet për shpëtim dhe evakuim.
Reshjet e fundit dhe bora në Malet Atlas vijnë pas shtatë viteve thatësire që shteruan disa nga rezervuarët kryesorë të Marokut. /mesazhi
