Përleshjet shpërthyen në veri të kryeqytetit të Sudanit Khartoum të mërkurën mbrëma, duke thyer kështu armëpushimin e përkohshëm midis Ushtrisë sudaneze dhe rivalit të saj, Forca e Mbështetjes së Shpejtë, vetëm disa orë pasi u pajtuan për të.
Dy fraksionet janë duke luftuar për ditë të tëra dhe të mërkurën pati luftime të ashpra në qendër të Khartoum-it si dhe përleshje të rënda në aeroportin kryesor të kryeqytetit, i cili është mbyllur që nga e shtuna me palët rivale që tentojnë të marrin kontrollin e vendit.
Sudani ka qenë pa një qeveri funksionale që nga tetori i vitit 2021, kur ushtria shkarkoi qeverinë kalimtare të kryeministrit Abdalla Hamdok dhe shpalli gjendjen e jashtëzakonshme, hap ky i cilësuar nga forcat politike si “grusht shteti”.
Periudha e tranzicionit në Sudan, e cila filloi në gusht 2019, ishte planifikuar të përfundonte me zgjedhje në fillim të vitit 2024. /mesazhi
