Ballina Lajmet Samiti në Tiranë, nënshkruhet marrëveshja për roamingun BE-Ballkani Perëndimor

Samiti në Tiranë, nënshkruhet marrëveshja për roamingun BE-Ballkani Perëndimor

Pasi Kryeministri i Shqipërisë, Edi Rama priti një e nga një liderët e Bashkimit Evropian dhe ata të vendeve të Ballkanit Perëndimor në nisje të Samitit që po mbahet sot në Tiranë, u nënshkrua edhe marrëveshja e parë në Pallatin e Kongreseve.

Ekspertët e vendeve të BE dhe Ballkanit Perëndimor kanë firmosur marrëveshjen për “Roaming” që parashikon uljen e tarifave për rajonin.

Pas negociatash të gjata Komisioni Evropian dhe RCC drejtuar nga Sekretarja e Përgjithshme, Majlinda Bregu kanë arritur marrëveshjen me operatorët e telefonisë celulare në Evropë e Ballkan për uljen e tarifave roaming.

Nënshkrimi i Deklaratës së Roaming-ut do të garantojë ulje të ndjeshme të tarifave roaming që nga 1 tetori 2023. Tarifat afër niveleve të çmimeve kombëtare synohen të arrihen deri në vitin 2027.

Në këtë samit, janë të pranishëm 27 liderë evropianë, shoqëruar nga delegacionet përkatëse.

Exit mobile version