Seanca e sotme e Kuvendit vazhdon të enjten

Është ndërprerë seanca e sotme e Kuvendit të Kosovës dhe vazhdimi i saj do të mbahet të enjten.

Kryetari i Kuvendit, Kadri Veseli ka thënë se vazhdimi i seancës së sotme do të mbahet të enjten para se të filloj seanca e rregullt e Kuvendit.

Me mungesën e deputetëve të opozitës nuk pati kuorum për të votuar disa raporte e propozime.

Të gjithë ato që kanë mbetur pa u votuar dhe për të cilat është diskutuar nga deputetët ditën e sotme do të vazhdojnë të enjten.

Pa u votuar mbeti edhe propozimi i deputetit Mërgim Lushtaku për plotësimin dhe ndryshimin e Ligjit për Automjete.