Një grup i qytetarëve kanë nisur të protestojë sot në afërsi të Urë së Ibrit.
Në protestë shihen qindra pjesëmarrës, derisa të pranishëm janë parë edhe deputeti i Listës Serbe, Igor Simiq dhe ish-deputeti Slavko Simiq.
Sipas mediave në Serbi, në protestë do të kërkohet moshapja e Urës së Ibrit, të cilën po e kërkon Qeveria e Kosovës e derisa veprimi i njëjtë është kundërshtuar nga ndërkombëtarët.
Protesta është konfirmuar edhe nga zëvendësdrejtori i Policisë për veriun, Veton Elshani, i cili ka thënë se ajo pritet të jetë e qetë.
“Protesta parashihet të jetë e qetë, ndërsa policia do të jetë aty në numër të mjaftueshëm që të mbaj rendin dhe qetësin publike”, tha Elshani.
