Të paktën 1.400 njerëz kanë vdekur nga uria në Tigray veriore të Etiopisë, që kur ndihma ushqimore u pezullua për shkak se po vidhej, tha një zyrtar. Programi Botëror i Ushqimit i OKB-së (WFP) dhe agjencia kryesore e ndihmës e SHBA-së ndërprenë ndihmën ushqimore për Tigray, rreth katër muaj më parë.
Një hetim i mëvonshëm nga autoritetet zbuloi se pothuajse 500 njerëz ishin të përfshirë në vjedhje, tha zyrtari për BBC. Tigray u godit nga një konflikt brutal në vitin 2020, duke shkaktuar kushte të ngjashme me urinë.
Konflikti përfundoi nëntorin e kaluar, pasi qeveria etiopiane dhe Fronti Çlirimtar Popullor Tigray (TPLF) nënshkruan një marrëveshje paqeje të ndërmjetësuar nga Bashkimi Afrikan (AU). Trupat eritreane luftuan në konflikt në anën e ushtrisë etiopiane.
Për pjesën më të madhe të luftës, rajoni ishte nën bllokadë, gjë që ndaloi kryesisht ndihmën humanitare.
I dërguari i AU, ish-presidenti nigerian Olusegun Obasanjo, tha se rreth 600.000 njerëz vdiqën në konfliktin dy-vjeçar. /dosja
