Carlos Tavares dha dorëheqjen si Drejtor Ekzekutiv i Stellantis në dhjetor 2024.
Që atëherë, kompania ka emëruar Antonio Filosa si pasardhësin e tij dhe ka filluar ristrukturimin e disa prej markave të saj, ndërsa gjigandi i automobilave shikon drejt një të ardhmeje më të ndritur.
Megjithatë, sipas Tavares, kjo e ardhme mund të jetë e pasigurt.
Ish-CEO i Stellantis sugjeron se kompania mund të jetë drejt një shpërbërjeje të madhe.
E formuar në vitin 2021 nëpërmjet bashkimit të Fiat Chrysler të Italisë dhe PSA Group të Francës, kompania aktualisht operon me 14 marka në të gjithë botën.
“Jam i shqetësuar se ekuilibri trepalësh midis Italisë, Francës dhe SHBA-së do të prishet”, tha Tavares.
“Me largimin tim, nuk jam i sigurt nëse interesat franceze që gjithmonë i kam pasur për zemër – pavarësisht nëse e besoni apo jo – do të mbrohen aq mirë”, shtoi ai.
Tavares spekulon se një prodhues kinez mund të blejë operacionet evropiane të Stellantis, ndërsa dega amerikane mund të rimarrë kontrollin e plotë të markave si Chrysler, Dodge, Jeep dhe Ram.
Ai argumenton se kjo ndarje mund të forcojë pozicionin konkurrues të secilës palë – veçanërisht në SHBA.
Ndryshe, ish-CEO dha dorëheqjen në vitin 2024 pas reagimeve të ashpra ndaj masave agresive për uljen e kostove dhe një ndryshimi ambicioz drejt një linje tërësisht elektrike – një strategji që që atëherë ka dhënë efekt të kundërt.
Ndërsa Tavares këmbëngul se nuk u detyrua të largohej, ai pranon duke parë nga prapa se mund të kishte bërë ” shumë gjëra ” ndryshe.
