Studentët në Irlandë ngritën kampin e solidaritetit për Gazën, kërkojnë heqjen e investimeve

Studentët në Trinity College Dublin (TCD) kanë krijuar një kamp solidariteti për Gazën në kampusin e tyre për të kërkuar që universiteti ikonik irlandez të ndërpresë lidhjet me Izraelin.

“Trinity College Dublin sonte, pasi studentët ngritën një kamp për Palestinën, duke kërkuar që universiteti i tyre të ndërpresë lidhjet me Izraelin sipas parimeve të BDS të mbështetur nga shumica dërrmuese e studentëve dhe stafit,” tha presidenti i unionit studentor të kolegjit Laszlo Molnarfi në një postim në mediat sociale.

Pamjet video të kampit tregojnë tendat e ngritura në një lëndinë me bar pranë një biblioteke ku ndodhet Libri i Kells – një dorëshkrim i shekullit të 9-të dhe një nga atraksionet turistike më të vizituara të vendit. Protestuesit vendosën gjithashtu stola prej druri në hyrje të derës së bibliotekës, duke thënë se lokacioni ishte “tani i mbyllur për një kohë të pacaktuar”.

“Nuk ka punë si zakonisht gjatë një gjenocidi”, shkroi Molnarfi në mediat sociale dhe i bëri thirrje administratës së universitetit që të “ndërprerë lidhjet me shtetin gjenocidal të Izraelit”.