Ikja e një zëri që përçon dhimbje në të gjithë shoqërinë shqiptare te etur për zëra të tillë
Një atak kardiak në orët e para të mëngjesit i ka marrë jetën komentatorit të njohur politik, social e kulturor, Namir Lapardhaja.
Në të 40-at, ky arsimtar i shquar beratas për moshën e tij, ishte njëherësh një besimtar musliman, duke e mbyllur kësisoj jetën me shkuarje te Zotin në ditë e fundit të agjerimit të Ramazanit.
Namir Lapardhaja, ndër më aktivët në media me shkrimet e tij, linte shijen e një përgatitjeje të thekshme intelektuale, të një morali të spikatur individual dhe një vizioni atdhedashës.
Ikja e tij është një humbje e madhe dhe për shoqërinë shqiptare në përgjithësi, pasi të tillë invividë si ai, me personalitet dhe integritet qytetar, përbëjnë një pasuri të vyer publike në kohë krize të rëndë morale.
Ndaj dhe mungesa e një zëri si Namir Lapardhaja do jetë një boshllëk që vështirë të mbyllet në Shqipërinë tonë të etur për emra të tillë. /tesheshi
