Pas Prishtinës ku u prit nga zyrtarët më të lartë të shtetit të Kosovës, Komisionari për Zgjerim i BE-së, Oliver Varhelyi, qëndroi pasdite edhe në Mitrovicën e Veriut.
Pasi kaloi në këmbë urën mbi lumin “Ibër” në Mitrovicë, nga pjesa jugore në atë veriore, Varhelyi u takua me kryetarin e Listës Serbe, Goran Rakiq.
“Themelimi i Asociacionit të Komunave me Shumicë Serbe është parakusht për normalizim dhe përparim të Kosovës në rrugën drejt BE-së”, tha Varhelyi pas takimit.
Ai ishte i shoqëruar edhe nga shefi i Zyrës së BE-së në Kosovë, Tomas Szunyog.
“Me Rakiqin kemi diskutuar edhe për mbështetjen e BE-së ndaj rajonit”, tha ai.
