Ramazani ishte një “aleat” që do ta shfrytezoj Reali në kuadër të finales së Champions-it, për faktin se tre futbollistë të Liverpulit, Sadio Mane, Mohamed Salah dhe Emre Can agjërojnë gjatë muajit të shenjtë të fesë islame.
Por, me sa duket Jyrgen Klop e ka zgjidhur përfundimisht problemin me ushqimin e futbollistëve të tij për finalen e 26 majit dhe rrezikun që ata të mos vinin në formë për ndeshjen kundër Realit.
Myftiu i Madh i Egjiptit u ka dhënë leje sportistëve të kombëtares që ta shtyjnë agjërimin pas Botërorit, duke cituar se Kurani e parashikon një gjë të tillë për personat që janë në kushtet e pamundshmërisë për shkak të sëmundjes apo udhëtimeve.
