Vazhdojnë surprizat në fazën e 1/8-ve të Botërorit të Klubeve.
Pas eliminimit të Interit nga Fluminense, tashmë edhe kampioni në fuqi, Manchester City u eliminua nga gjiganti arab, Al-Hilal.
Ndeshja u mbyll me rezultat 3-4, në favor të arabëve të cilët fituan në vazhdime.
Kjo fitore vjen si hakmarrje e Simone Inzaghit, pas asaj humbjes në finalen e Ligës së Kampionëve me Interin në vitin 2023.
Golat u realizuan nga Marcos Leonardo, që shënoi dy gola, Koulibaly dhe Malcom për Al-Hilalin, ndërsa për Cityn realizuan Silva, Haaland dhe Foden.
Al-Hilal, në çerek-finale do të përballet me gjigantin brazilian, Fluminense me ndeshjen që zhvillohet, më 4 korrik.
