Klubi katalanas ka njoftuar se Xavi Hernandez nuk do të jetë në krye të Barcelonës sezonin e ardhshëm.
Kështu ka njoftuar të premten vet klubi në rrjetet sociale.
“Joan Laporta ka informuar Xavi Hernandezin se ai nuk do të vazhdojë të jetë trajner i ekipit të parë në sezonin 2024-2025.
Barcelona dëshiron të falënderojë Xavi për punën e tij si trajner, si dhe për karrierën e tij të paimitueshme si lojtar dhe si kapiten skuadre, dhe i uron atij çdo sukses në të ardhmen në botë”, ka shkruar Barcelona.
Tre muaj më herët, Xavi kishte njoftuar se do të largohej nga Barcelona. Por pak javë më parë, u bind të qëndrojë
Deklaratat e fundit nga Xavi në lidhje me vështirësitë financiare të klubit kanë bërë që presidenti i Barcelonës, Joan Laporta ta shkarkojë atë.
Xavi e mori drejtimin e Barcelonës në nëntor të vitit 2021, pasi u largua nga Al Sadd i Katarit. Ai ka të fituar dy tituj me Barcelonën. 44-vjeçari e ka drejtuar Barcelonën në 141 ndeshje, ndërsa ka arritur 89 fitore, 23 barazime, dhe 29 humbje.
