E Vërteta, E Mira dhe E Bukura

Një nga gabimet më të mëdha në filozofinë moderne është ndarja mes tri vlerave më të mëdha: e vërteta, e mira dhe e bukura. Kjo ka sjellë kaos etik, kulturor e shpirtëror.

Në botëkuptimin materialist:

– E vërteta matet me dobi apo eksperiment.

– E mira bëhet thjesht marrëveshje shoqërore, ose kënaqësi personale.

– E bukura humb kuptimin e saj të thellë, dhe bëhet një mjet sipërfaqësor, pa shpirt.

Por në vizionin islam, këto vlera janë të pandashme:

E vërteta lidhet me Zotin – “Allahu është e Vërteta”.

E mira është ajo që kënaq Zotin dhe shpërblehet në jetën tjetër.

E bukura është dritare drejt së vërtetës dhe derë për tek e mira.

Të tria janë të lidhura me Burimin Absolut – Allahun. Njëra udhëzon drejt tjetrës. Bashkë, ato e ushqejnë shpirtin, e forcojnë mendjen dhe e ndriçojnë jetën.


Hoxhë Halil Avdulli